بسم الله الرحمن الرحيم

السلام عليكم
لا ادري كلماتي ألأتيه خواطر أم تخاريف
واعلم مسبقاً إن عدم الردود على أي موضوع
يجعلني اعتقد إني فعلا بكتب خرافات
والدليل إن مافيش شكرا واحدة
لكن اللي يصبرني إن
فيه ناس بتدخل تخبط زى الفتلاوي
و زى الملك الطالح
عموما حديثي في تدبير المولى سبحانه وتعالى

وبحاول بدماغي اقرنه بالحلال والحرام

مثلا في سورة يونس

بسم الله الرحمن الرحيم
{إِنَّ رَبَّكُمُ اللّهُ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُدَبِّرُ الأَمْرَ مَا مِن شَفِيعٍ إِلاَّ مِن بَعْدِ إِذْنِهِ ذَلِكُمُ اللّهُ رَبُّكُمْ فَاعْبُدُوهُ أَفَلاَ تَذَكَّرُونَ }يونس3

و أيضا أحاول أن اقرن كل هذا بمجال عمل الروحانيين
بحكم وجع القلب اللي إحنا فيه
خلق السموات والأرض في ستة أيام
وطبعا قدر الأقوات والأرزاق
والرزق ده مقسوم للمؤمن والكافر
ثم استوى على العرش
كثير من أامتنا تكلموا عن الاستواء
وأنا مقتنع انه استواء ملك على عرشه يقوم بإصلاح وتقويم عبيده من حيث الإثابة والعقاب
النقطة التي تحتاج تركيز
هي يدبر الأمر
ما من شفيع إلا من بعد إذنه

أنت عاوز غرض وتروح لشخص ما يدبره أو يعمله لحضرتك
مثلا لو غرض روحاني
تروح لشيخ واثنين وألف والغرض ده أراد الله أن يقوم به فلان
في الوقت الفلاني
وان رزقه منك كذا
كل اللي فاتوا لو هما أولاد إبليس من الأرضيين
مش هايعملوا غير هزة
ولو كانوا أولاد ملائكة لن تجد لهم من الأمر من شيء
ننظر للأمر من زوايا أخرى
الأولى إن في فلوسك مال مش بتاعك
ومش هاقول حرام
نقول انه فائض أو ذائد
وان فلان من الناس له رزق في الوقت الفلاني
ربنا بتدبيره يخلصك من الزائد ده

في التوقيت اللي فلان ده له رزق أو نصيب في مالك
هو كمان له رزق معلوم
مثلا لو ألف جنيه أخدهم وهو له رزق خمسه جنيه
بياكل أو يعمل مصلحة بالخمسة
وال995 الباقيين يذهبوا مع الريح
في أي حوار

بالإضافة طبعا إن الأمور والمعايشة اللي إحنا عايشينها
مش محض صدف ولا عشوائيات
لكن أحداث مسطورة ومدبرة

كقوله سبحانه وتعالى
{يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ }السجدة5
ظاهر الايه الحديث عن يوم القيامة
وباطنها
التدبير الاعظم
فمثلا
الحب

والدعاء اللهم يا مقلب القلوب ثبت قلبي على دينك
أنت ممكن تحب لكن هل الحب ده بمزاجك ؟
يعني أنت تحب شخص صح أو شخص خطاء ده بمحض إرادتك ؟
ليك دخل فيه ؟

ألإجابة المادية العلمية نعم ممكن
زي قصة حب عشان الشقة التمليك والعربية ورصيد البنك
هايتحب الطرف الأخر ولو عصرت على نفسك لمونه
وممكن عشان الطرف الأخر عنده نوع من الكاريزما
ممكن

لكن الحب اللي بجد
اللي ممكن تضحي بكل شيء من أجلة
مش بمزاجك

ده موجود في
(وجعل بينكم مودة ورحمة )
الروم

عموما

كلامي نوع من انواع تشغيل المخ

للكل ولنفسي قبل منكم
عملا بقوله سبحانه

{كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُوْلُوا الْأَلْبَابِ }ص29

هنا واضح محدش بيقول حاجة

وأنا هنام
لأني جاي من سفر مرهق
وباكر مسافر تاني

ولولا ذلك كنت طولت

لو حد فاهم حاجة يا جماعه يقول

عشان اعرف بس ان معانا أولوا الباب

مش أولوا
ايميلات ومشاهدات ومنقولات